立法會噚日就發牌規管私營骨灰龕安置所草案三讀，議員就政府應否將同性伴侶視為「親屬」激辯時，自由黨邵家輝發言時突然扯到劉小麗同陳淑莊好靚，令太太唔高興，在席嘅食衞局局長高永文臉色一沉，仲向邵家輝嘅方向「藐咗幾秒」㖭呀！
邵家輝原本講緊同性伴侶要「升格」做法定認可親屬需要商討，引用衞生署報告話香港有8,600幾位愛滋病帶菌者，當中80%係男同性戀者，所以「同性伴侶可以對香港有好大影響」，搞到主席梁君彥都話佢離題。
點知佢越講越遠，仲講到一夫一妻制唔容許有婚外情，仲喺回應劉小麗發言時話，因為同太太講「劉小麗同埋陳淑莊其實都幾靚㗎喎」，太太當堂黑晒面，「（佢）原來擔心我喺立法會裏面，有呢啲辦公室嘅『婚外情』﹖」唔太明個gag位？唔緊要，相信明嘅人冇乜。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk