香港羽球一哥伍家朗又高咗！講嘅係噚日公佈嘅世界排名，家朗由第10升至個人新高嘅第七，其實家朗今年一月曾去過個人新高嘅第八位，後嚟跌至第10，今次上番三級至第七，真係恭喜晒。家朗𠵱家仲身在澳洲黃金海岸，事關香港羽球隊日前喺當地舉行嘅蘇迪曼盃小組出局後，全隊人會留澳訓練到28號。