趣趣地:中超實行外援U23「一對一」

趣趣地:
中超實行外援U23「一對一」

中國足總又有新政,繼今季規定每場聯賽要有一名U23中國球員打正選,又打算由下季起為培養年青球員,場上U23球員數目要同外援數目相同,例如廣州恒大想出晒列卡度高拉特、荷西保連奴同阿倫杜格拉斯,咁就要相應出番陳澤鵬等三位青年軍球員。另外,為限制球會抬高外援身價,轉會費動輒就幾千萬歐元,亦表示會喺夏天轉會窗時,向一啲財政錄得虧損嘅球會徵收引援額外費用,希望維持市場平衡。