李嘉欣同家姐李嘉明感情要好，1988年嘉欣參加香港小姐時，提名人就係佢家姐李嘉明喇！
嘉欣o依家就已經嫁咗俾許晉亨，仲生咗個好可愛嘅囝囝許建彤，過住幸福快樂嘅日子，而家姐李嘉明嘅另一半亦唔簡單，佢老公就係10億眼鏡大王顧毅勇(Otis)。
其實年屆50嘅李嘉明，同妹妹都一樣好幸福，嫁咗一個上市公司主席。2005年，嘉欣介紹咗顧毅勇俾家姐李嘉明認識，當時男方正值同太太感情轉淡，好快佢哋就撻着咗，曾經有人目擊李嘉明同男方於酒吧親蜜啜嘴，直至顧毅勇同太太辦妥清離婚手續，李嘉明就喺2010年，同顧毅勇奉子成婚。
顧毅勇係新興光學(0125)嘅主席，99年奪得香港青年工業家獎，旗下眼鏡公更替多個國際品牌取得特許權生產眼鏡用品，如DKNY、Levis等。2010年有報道指，顧毅勇身家估計有10億以上。