【本報訊】「以色情事業來講，油尖旺算是百花齊放」，曾任油尖旺滅罪委員會委員13年、該區區議員陳少棠直言，回歸後，在警方多次大規模掃蕩及高租金下，油尖旺色情事業走向劏房化，如馬檻、一樓一等，因為招呼每個客人時間短，可多做幾轉。
陳少棠指出，雖然近年在色情五街，再次出現地下沙圈，不同國籍都有，但墟冚程度大不如前。另外隨着互聯網普及，黃業生態亦有大改變，「以前妓女會喺旺角沙圈俾客人睇辦，有互聯網後就在網頁做廣告」。
「錢好賺到難以置信」
馬檻最暢旺的90年代入行做馬伕的Frank當年月入6萬元，他形容：「錢真係好賺到難以置信！」 據他所知，當年堪稱馬王的馬伕月賺逾10萬。不過，2002年警方大力掃黃，令Frank終日擔驚受怕，「嗰個殺雞警司施本勵拉咗好多人，嗰時我自己都怯，加上回歸後經濟差，香港人不願花費，政府又想重新建立旺角，改造油尖旺，不再是一個九反之地，所以當時（馬檻）少了一大半」。
朗豪坊落成，旺角沙圈慢慢瓦解，他其後因連串警方掃黃而轉行會所，現年50多歲的他已不想再依靠妓女搵錢，已轉為當廚房工。
■記者張 軍
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk