教育局局長吳克儉成日俾人批評出差多過留港做嘢，難怪叫做「旅遊局局長」。吳得掂今個星期去英國倫敦出席英國文化協會舉辦嘅教育論壇，離開倫敦前同八方等行家食晏。
自評達標有餘
對於被批評成日外遊，佢話教育嘅嘢好長遠，唔做都唔覺，佢大可乜都唔做，如果因為有人批評，怕麻煩就唔去外訪，佢反而會質疑「你係咪履行緊你嘅工作（Are you doing your job？）」。
吳得掂講明唔會留任，行家問佢5年來有乜成就同不足，佢話5年前承諾嘅政策，睇番轉頭全部達標，甚至有餘，成績有目共睹，就好似一帶一路獎學金，今年9月就會延展到5個東南亞國家，目標係喺所有東盟國家落實。
由於之前立法會未撥款，佢哋𠵱家問商界攞錢，同埋逐個國家做試點，等實際例子證明有用，預計今年尾至明年初會再向立法會申請撥款，希望到時可以釋除政治質疑咁話。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk