綽號象哥嘅民建聯立法會議員黃定光，近年力推邊境購物城，噚日仲親自帶隊同一班記者參觀地盤，估唔到佢連女廁都唔放過，帶住記者參觀女廁裝修。係佢太重口味，抑或個屎坑認真好特別？統統都唔係，原來佢哋連整廁所都好有政治味道，象哥笑稱，個女廁設計體現咗一國兩制，即係左邊一排係坐廁，右邊一排就專登照顧國內同胞需要，即係……踎廁。
遊完女廁，象哥就訴下心聲，大呻冇諗過起個邊境購物城係咁鬼麻煩，皆因啲部門要求好嚴謹，起初諗住排污、水電等問題都好易搞，點知工程一拖再拖，而廁所原來係冇排污設備㗎，要用化糞池解決，所以開幕之後，晚晚都要吸糞車吸走啲大小便。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk