中環在線:八大校長見林鄭同冠君股東爭上樓 - 李華華

中環在線:八大校長見林鄭
同冠君股東爭上樓 - 李華華

鷹君(041)羅家爭產案,日日有新劇情,幾兄弟每日各自表述,噚日輪到事件另一主角鷹君主席羅嘉瑞出場,事關佢旗下冠君產業信託(2778)下晝喺中環冠君大廈舉行股東會,華華當然一早去霸頭位喇。

勤力果然係有多啲得着嘅。正因為華華預早時間去,喺冠君大廈大堂就遇上證監會主席唐家成,呢日佢以大學教資會主席身份,同埋本地8間大學嘅校長去見候任特首林鄭月娥,傾大學事宜。林鄭嘅候任特首辦公室咁啱喺冠君大廈。
由於呢度守衛算森嚴,唐家成與八大校長,同冠君產業嘅一班小股東同一時間登記上樓,所以佢哋全部都要企晒喺度等,不過佢哋好有耐性,說說笑笑慢慢等,果然係校長呀!

中大校長沈祖堯教授。

97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk