《RoboCop》（《鐵甲威龍》）已是30年前的電影，到底現實世界之中幾時會有機械人警察呢？杜拜剛剛就公佈會派遣機械人警察在街上巡邏，不過外形方面就同電影《RoboCop》的機械人警察相差得好遠好遠！這個杜拜版RoboCop是由杜拜警方聯同IBM's Watson及Google合力設計，但就唔好期望佢會跑住捉賊或同悍匪槍戰，但就識得行禮、鞠躬及識講多種語言，而且亦能辨認到1.5米外的手勢，某程度上似一個親善大使多過一個警察。
雖然杜拜罪惡率向來都唔高，但如果想同機械人警察報案都得，但就麻煩大家要用佢心口的平板電腦輸入資料。據報道指出，杜拜警方仲諗住會大量生產機械人警察，希望到2030年時可取代四分之一的警力，到時連警察都要失業。
資料來源：TNW
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily