唐詩詠同洪永城日前宣佈分手，呢段「分」訊公告天下之後，即刻惹嚟唔少揣測，有傳唐詩詠疑瞞住洪永城，同洗米華愛將盧啟邦暗交一個月，亦有傳因洪永城吊兒郎當嘅性格累事，事後詩詠出席活動亦話講嘅已經講晒，希望可以向新目標出發！
洪永城之後再接受周刊訪問，佢話願意一力承擔任何負面新聞，因為佢仲愛詩詠，昨日仲有另一本周刊話，喺今年年初呢段感情出現問題嘅時候，洪永城曾經盡力挽救，好似佢覺得女友架車揸咗好耐，曾經周圍問去睇車，諗住想送架車俾詩詠，甚至仲有指洪永城將同朋友合資嘅旅遊公司，其中一部份股份送俾女友，希望佢可以分享一齊分享作成果，但係都挽救唔到呢段感情，最終分手收場！