騰訊（700）自從季度業績後，波幅擴大，去到噚日先升後回，成交額去到96.8億。除咗季度業績翌日之外，騰訊過去一年單日成交最多都係接近百億，今日咁嘅成交都推唔郁股價，調整壓力似乎增加。股王有喺手你未必想減持，但要追就唔值得了。
騰訊腳軟的話，資金會流去邊？暫時未見有新嘅turnaround板塊出現，皆因各個板塊估值未見得吸引，招行（3968）爆升未知同春江鴨有冇關係，以四大內銀質素最多係幫手出嚟頂一頂，難寄厚望。睇嚟整體港股的確有需要出現調整，調整後先能夠吸引資金重新入市。
科網股近排震過貓王，兵慌馬亂之際，如果騰訊向下調整，唔排除大家齊齊捱價。不過預計資金遲早重回科網股懷抱，舜宇（2382）未見盡頭，要備忘的話，始終係首選。
至於資源商品股亦值得mon實，年初全球炒通脹概念，資源商品股業績對辦，股價跟隨商品價格進入調整期而未見大跌散水，稍後有可能重拾強勢，備忘之選有馬鋼（323）、洛鉬（3993）等等。
港股由進攻期進入觀察、調整期，無論頭5個月成績如何，呢一刻就提早為下半年做功課，靜待機會。
晉佳
http://www.fb.com/advanceguy1
本欄逢周一、三、五刊出
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk