「Son姐，想請教你，我有位同事開緊會經常喺人哋講緊嘢嘅時候，好鍾意搭嘴畀意見。另外，佢又鍾意喺個位度高談闊論啲無謂濕星嘢，Leader又冇去干預佢（或者可能講過但佢冇乜改善），點搞？」
職場中最浪費生命時間資源的事，非開會莫屬！開會例遲，會前功夫完全不做的所謂同事，大家見得還會少？開會目的本來是尋求共識，結果離不開各自表述，把私人恩怨擺上台玩大佢，舌劍唇槍亂噏無為篤背脊的場合。最後唯一能夠達成共識的，就是下一次開會的時間。
Leader，領導是也，開會是領導人想發表講話，所以話知你有幾忙有幾多工作工夫等着跳樓都好，領導人想幾時講大家就要乖乖出席坐低聽，還要交足戲扮專心，兼硬食之後被指摘點解永遠遲交功課，簡直天怒人怨厭惡厭倦都不能。
不過你不叫上司老闆叫Leader，是否從事保險行業？即使不是，應該都是銷售有關的職業。不怕得罪講，很多Leader根本自己都不清楚應該如何怎樣lead，開會更加不在話下，開會只為很享受在會議室中被簇擁、發施號令的感覺，做個很威水的領導人，不要告訴我你們未見過。會議主持人從來不易做，要掌握開會時間及節奏，廢話少講，集中討論，不斷修正提問，有益有建設性開會才會開得有價值。
你的那位Leader，要不就是廢，要不就是懶，當然可以懶又廢，又或者根本冇料或是無心戀戰。不過不能忽略背後穿通或者打龍通特登搞亂檔攤的可能性。所以那位插科打諢的廢話同事才可以有機會繼續高談闊論。冤有頭債有主，罪魁禍首究竟是誰？正所謂射人先射馬，擒賊先擒王，除非你搞得掂你Leader，否則根本冇得搞。
張慧敏
http://www.facebook.com/HKcareerdoctor
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk