美國小天后Ariana Grande於香港時間昨日凌晨在英國曼徹斯特體育館（Manchester Arena）舉行演唱會，騷後現場發生恐襲，造成超過20人死亡的慘劇，震驚全球！由於死傷者很多都是年輕人，剛巧張兆輝的16歲兒子張卓鏗、賭王何鴻燊跟四太梁安琪的17歲孻女超欣，均身在英國讀書，DJ森美的14歲兒子將於9月赴英升學，為人父母的他們都對子女安全憂心忡忡！
四太梁安琪昨在電話中表示：「阿女喺英國返緊嚟，但唔係曼徹斯特，佢係讀寄宿學校，平時唔可以自己外出，所以好安全，亦叫佢放假外出要小心，尤其去人多地方。」四太坦言近期會避免到歐洲：「最近就7月飛去睇阿女中學畢業，到時會再睇吓局勢。」
張兆輝：好擔心
張兆輝昨早仍在睡夢中，已接到兒子電話報平安，他接受本報電話訪問說：「囝囝第一時間通知呢單新聞，佢喺約克郡讀書，要坐一個鐘頭車先到曼徹斯特城，因為當地時間係星期一，而佢住喺寄宿學校，校方好嚴㗎，閒日唔畀學生外出。」不過張兆輝指兒子平日搭火車、飛機，鍾意在車站和機場等時間到，所以會提囝囝小心，避免去人多的地方，他說：「講真我同老婆都好擔心，英國發生咁多襲擊事件，但都冇辦法，囝囝明年先畢業，惟有叫佢萬事小心。」
森美：避忌唔到
森美的14歲兒子將於9月到英國讀書，他昨在電話中說：「成個歐洲地方不停出現恐襲，都避忌唔到，好在佢讀寄宿學校，應該唔會走出去。反而我擔心爸爸媽媽多啲，因為下星期佢哋去黑池參加世界社交舞比賽。」他指8月會陪兒子到英國安頓，問有否傍身之道教兒子？他說：「叫佢多人地方唔好去，同佢本身係聖約翰救傷隊，佢仲可以幫到人做急救㖭，但當然希望唔會出事啦。」
採訪：鍾國仁、唐如、皓騫
