【本報訊】10日前羅老太一封家書，提到三子羅嘉瑞「在傳媒面前質疑我實為不孝」。近日子女就何謂「孝順」問題各自表述。羅嘉瑞質疑，「點解有人影響母親決定？這些訴訟程序非常複雜，要讓97歲嘅媽媽去受呢啲苦，又整到家嘈不和，搞到佢好唔開心，呢啲又係咪孝順呢？」
「搵唔到點解唔報警？」
本周一孻子羅啟瑞曾公開「呼籲一吓」，「祝願天下母親都可以有孝順嘅兒女」。昨羅嘉瑞稱母親已年屆97、98歲，「對她嚟講，我知道金錢係唔重要，佢只希望家庭和睦」。
羅嘉瑞指媽媽腰骨裂應卧床休養，由4月底至今，除母親節他與五弟羅鷹瑞曾見過媽媽，「到𠵱家佢手提電話接唔通」，致電酒店亦未能接駁，連母親的行山友都接觸不到她。以往母親跌傷亦由身為心臟科醫生的鷹瑞負責照顧，現不知其狀況及哪位醫生負責。
接近啟瑞消息人士則回應，如找不到羅老太「點解唔報警？」又指羅老太健康由第三方醫生負責，意見最中肯。
■記者方楚茵
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk