【沙田】由黃秋生、謝君豪和惠英紅主演、葉念琛導演的Fox劇集《心冤》，上周六已拍完最後一場戲，今日舉行煞科宴。上周六晚有一場講述警察和黑幫衝突的戲份，除集齊幾位影帝影后、應屆金像獎最佳新演員胡子彤演出外，還動用過百名臨時演員，以電視劇集來講，都算大陣仗。
黑幫反圍警察
當晚約11時，《心冤》在沙田一幢工業大廈取景，見到飾演警察的謝君豪帶着下屬胡子彤及黃澤鋒準備進入一幢工廈，但被守在門外戴着口罩的黑社會成員阻擋，之後召來衝鋒車支援。不過黑勢力亦不甘示弱，找來60多人反圍警察。
大概凌晨12時，同樣演警察的秋生及小紅姐先後到場，之後便上了工廈開工，而樓下繼續由葉念琛指導拍攝。到凌晨2時許，秋生和小紅姐才下樓會合謝君豪等人一起吃消夜。
小紅姐被綁走
昨日葉念琛接受電話訪問，透露當日戲份是講述小紅姐被仇家綁走，謝君豪帶隊去救人：「今次拍嘅警匪犯罪劇，題材同古仔都幾唔葉念琛。5集劇拍咗兩個幾月、60幾組戲，就算以電影規格嚟講，都係好犀利。」他笑言每集製作費足以完成一部港產片，並透露本劇另一特色是分組開工，正如上周六他在拍攝樓下的文戲時，樓上的秋生及小紅姐就拍攝由武術指導負責的動作戲份。
採訪、攝影：徐錦池、畢紹基