影片： http://bit.ly/2qbBEW3
遠睇以為是髮夾，但實情這是一款能夠幫助到有需要朋友的穿戴式裝置，大家又估唔估到底有甚麼作用？這款穿戴式裝置其實是由Fujitsu開發的Ontenna，主要用途是能令失聰人士能夠感應到聲音，早在去年已經製成原型機，如今就開始正式投產，今年內就會推出。Ontenna同一般專為失聰人士或聽力有缺陷人士所設計的助聽器唔同，而是透過感應外間聲音的節奏同音量，再轉化成不同程度的震動，總共可以表現出256級不同震幅，失聰人士就可以靠感應頭髮的震動而「聽」到聲音。可能有人會問點解要靠頭髮去感應，用皮膚唔係更好？開發人員解釋用皮膚感應都得，但頭髮會係較佳位置去感應聲音。Ontenna會有兩個不同型號，一款會內置藍牙用以連接手機應用程式，另一款就不設藍芽，價錢方面方面約100美元（約$780），對失聽人士都算係好消息。
資料來源：Wareable
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily