一年365日都會聽見電單車引擎聲此起彼落的大帽山，所有電鐵士都喜歡到大亭（俗稱英雄亭）的地方打卡影相。可能未必人人都知英雄亭所在位置，其實是荃錦公路由荃灣入元朗方向，經過大帽山山頂郊野公園入口不久，再駛前大概兩分鐘1公里路程，就會看見右手邊有個涼亭，那處就是英雄亭。以為只係電單車友先識？你又錯喇！就連Google Maps都有標示，只要搜尋「大帽山英」，便出現英雄亭的位置，英文名是「Memorial Pavilion」。據電單車迷Henry所講，十多年前才開始多人叫那處是英雄亭，「因為大帽山冇乜地方可以聚腳，嗰度又剛好是一個落斜彎位，唔少人就鍾意聚集喺嗰度睇高手高速瞓彎，好似成班觀眾喺度睇熱鬧表演咁。久而久之，我們揸電單車的，都會叫嗰度做英雄亭。」
記者：許維雅
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily