【本報訊】警方拘捕22名Uber司機消息公佈後，昨日開工的Uber司機人數劇減，令以供求衡量的車費急漲，下午司機版的香港地圖一度出現「滿江紅」，幾乎所有地區都顯示為紅色，即表示需要加成計費，其中中半山區的車費，最癲要加2.9倍。
群組不滿總經理無交代
不少司機於網上群組表示，不滿Uber總經理佘雋知（Kenneth）今次沒有即日開記者會交代，有司機更發起將頭像轉為佘的照片以示不滿。面對警方執法，亦有司機表示會發起「踢單活動」，接單後會直接致電乘客問人數，如果是二人就會要求提供叫車原因，甚至要求客人提供卡片，證明為真實客人，以防警察放蛇，凡可疑即拒載，即使已見到乘客。
Uber司機陳先生表示，「唔會開工啦，一來又唔係全職，都係貪玩做兼職，點會為咗個幾千蚊去同佢博？一被法庭入罪，之前都判罰款同停牌一年，我覺得真係唔值囉，我覺得放蛇會越嚟越密」。
陳續說：「警方嚴正執法就真係預咗，自從法庭有咗裁決，都估計警察會做嘢，因為佢哋有法庭判例backup。」雖然Uber回應事件時稱會全力幫助司機，但陳仍感不滿，「我覺得最唔公平嘅係，有事就只係拉司機，點解Uber自己就可以置身事外？同埋Uber對司機基本上係零支援，唔少司機都喺WhatsApp群組投訴，一間咁嘅公司值唔值得你去賣命幫佢搵錢？」
■記者梁偉聰
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk