【科技透視】
三個不同背景的年輕人，有來自中產公務員家庭、有人的父親是星級銀行家，亦有老牌富豪家族的後人，均不約而同選擇在港創業。對比一般小市民，他們平日的生活壓力或許較小，但面對近年來自海外及本地猶如雨後春筍出現的初創企業，公司要突圍而出、獲投資者青睞殊非簡單。
記者：梁偉聰 岑梽豪
Tink Labs郭頌賢：目標市場要夠大
「Startup杜德偉」、Tink Labs創辦人郭頌賢（Terence Kwok）生於小康之家，到美國升讀芝加哥大學的他只讀了短短一年就輟學回港創業，旗下公司Tink Labs更有望成為香港第二隻「獨角獸」。
唔想「冇面」拒放棄
雖然家境不錯，但他的創業路亦非一帆風順。他憶述當年創業的經過，一開始其開發的旅遊手機handy並非直接進入酒店，而是與現在的wifi蛋一樣，在機場的櫃位中出租，「一開始條橋真係唔得，喺機場租電話畀遊客，有人租，但唔係大生意。」
其後再轉到飛機上去做，與航空公司合作，但都不成功，「原來聽落work，實際未必work」。對於失敗，郭頌賢亦有想過放棄，但他一想到會「好冇面」，就令到他堅持下去。最後handy由B2C轉為B2B，目標客群轉至酒店。當時第一間採用handy手機的是尖沙嘴帝苑酒店，郭頌賢形容當時可謂「死𧄌爛𧄌，show到有value（價值），好彩對方都滿意」，開展日後擴張機會。
成功「入屋」並非代表一帆風順，擴充時曾試過山窮水盡，公司資金只夠幾個月運作，「當時周圍搵人搵錢，發現冇錢搵錢更加困難」，在最艱難時他遇到其中一名恩人：美圖董事長（1357）蔡文勝。他只花了兩日時間就成功說服蔡投資，令他相信人與人之間是講緣份。
被問到五年來創業心得，郭頌賢認為能否吸引到投資者，「idea唔係最重要，更重要係人，你有冇能力去學習、去改，會唔會放棄。」如果要吸引到投資者，目標市場就一定要夠大，放眼中國、歐美、東南亞等，「唔可以淨係諗local，香港嘅風投基金都係放眼全球，你係同緊全世界比，就算李嘉誠嘅投資都係世界各地。」
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk