47歲嘅鄭嘉穎自從同22歲陳凱琳拍拖，不時都俾影到孖住出街食飯。可能你會話，拍拖係咁㗎啦，所以佢哋行多人一步，鍾意着情侶裝，之前有頂紅噹噹嘅情侶帽，日前就一齊着黑色貼身衫。拍拖拍得咁sweet，可能係因為佢哋見到圈中唔少朋友，都冇俾年齡呢個問題阻礙有關：
鄭敬基 Angie
年屆54歲嘅鄭敬基，keep住副童顏，上年再婚迎娶細佢19歲嘅太太Angie。鄭敬基喺婚禮上冧爆透露，Angie寫過一張心意卡俾佢話：「鄭敬基你不需要成功，不需要完美，你還是最重要。」就係咁，融化咗鄭敬基嘅心，拍拖未夠一年就決定閃婚。
吳奇隆 劉詩詩
同樣係再婚嘅吳奇隆，就搵到劉詩詩呢位至愛。佢喺11年拍完《步步驚心》後，就邂逅咗細17歲嘅詩詩。直到15年1月喺微博晒結婚證同鑽戒宣佈結婚，1年後先再喺峇里舉行婚禮。
謝賢 CoCo
至於忘年戀嘅代表，一定係老當益壯、80歲嘅四哥謝賢，佢女友CoCo年輕49年。四哥壯健嘅形象，仲令佢搞嚟添丁傳言，不過四哥就話喺囡囡謝婷婷6歲時做咗結紮手術，冇可能再做老竇。
戴夢夢 朱翰博
32歲嘅戴夢夢前年同太極鼓手朱翰博（Ricky）拍拖斷正，兩人年齡相差18年，仲引發咗一場介入婚姻嘅傳聞，現時兩人拍拖相當低調。