我識字少，早幾日見人人講什麼「HJ兩Q」，莫名其妙，求教Google大神，才明白這句話的深意。香港人用廣東話，亦中亦西，言簡意賅，真要感謝那「send錯group」的爸爸，給我上了會心微笑的一課。但這種WhatsApp裏的風波，弄得滿城皆知，也未免太小題大做。群組裏都是成人家長，麻甩佬吹水內容也來廣傳？咁純情，點解又生兒育女？但經一事蔡一智，巴打們以後談及某些「家長需要指引」的話題時，不妨採用純情兼文雅的寫法，例如「HJ兩Q，賓周都損」，可寫成：「弄玉握簫，一而再，則笨朘殆矣！」那麼即使send錯group，成年小學雞也看不懂，你就用不着道歉。
近日香港發生很多荒唐事，關心子女的家長，該討論的不是「賓周門」，而是「笨周門」這宗醜聞啊。周浩鼎雖辭去UGL專責委員會的職務，但仍厚顏無恥聲稱自己沒隱瞞、違規或違法，他讓主子梁振英批改文件，原來是「希望調查可以完整及公正」。真是鼎級狡辯，若心智不成熟的孩子見姦思齊，後果就不堪設想了。
考試出貓被揭發，學生可以振振有詞對老師說：「Miss，我係睇同學嘅答案，但唔係偷睇。第一，如果係有心隱瞞，咁我又點會畀你見到我睇隔籬位呢？第二，成份卷我本身係識晒嘅，我望佢，只係希望自己嘅答案可以更完整同準確，正如平時做完功課，Miss你都會同我哋對答案啦，所以我依家只係同佢對答案，係完全合規矩嘅。不過校長就嚟巡課室嘞，Miss，我唔想搞大件事，引起你嘅誤會，係我自己唔小心，sorry囉。」
笨周的主人更厲害，若孩子學了他一招半式，非但不會道歉，還可能列舉十三點反咬Miss一口呢。