本身從事消費品嘅亨泰（197）之前嚟個「華麗轉身」，用咗1.8億元買入咸蛋超人嘅港澳台舞台劇知識產權（IP），執行董事陳卓宇噚日預計，今年8月會喺澳門開第一場live show，以場館約2,000座位計，好有信心會爆滿。問到點解咁有信心？佢就將咸蛋超人，同米高積遜（Michael Jackson）相比呀。
陳卓宇認為，音樂劇Thriller Live舊年喺澳門巴黎人上演，表演者明明唔係MJ，但仍然場場爆滿，佢指：「MJ都爆，我哋（咸蛋超人live show）冇理由唔爆！」哦，原來係咁。
管理層對呢個新業務好有信心，指咸蛋超人喺亞洲有好多粉絲，唔只家庭客，仲會吸引到一班宅男去睇show咁話。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk