律政司司長係燙手山芋，日後或要面對因為人大釋法引起兩地嘅法制衝突，難怪無乜人肯接任，有傳媒噚日話袁國強會留任一段日子，搞好高鐵一地兩檢再走人，而接任嘅人可能係大冷馬，就係現任律師會會長蘇紹聰（圖）喎。
有法律界中人話，身為孖士打律師行合夥人嘅蘇紹聰為人較文靜，向來唔多講嘢，但普遍政界仍然對佢接任消息存疑。
指內地人員要守港法
睇返吖，早前喺香港舉辦過嘅一帶一路論壇，佢回應一地兩檢問題時話過係複雜問題，內地人員若要在港執法，前提係要遵守香港法律同《基本法》。而佢早前仲曾經回應指，律政司係新班子關鍵人物，喺配合政府推動法律議題方面好重要，冀下屆司長喺法律界有支持，同時為香港社會所接受㖭！
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk