股神畢菲特（Warren Buffett）旗下投資旗艦巴郡股價上半年經歷大起大跌，年初至今累計只係升得0.3%。但巴郡近日獲財經雜誌《巴隆氏》加持，估計佢明年底前有機會升15%至20%，即係每股可能去到29萬美元（226萬港元）。
眾所周知，股神奉行價值投資法，揀股齋睇基本因素。《巴隆氏》睇好巴郡理據亦不離基本因素，指集團盈利來源多元化，又手持近百億美元現金。
雖然年近87嘅畢菲特未指定繼任人，但雜誌估計，佢嘅繼任人接掌之後會開始派息，回購可能更加進取。唔知揸住巴郡幾十年嘅老股東，到時歡唔歡迎呢個做法呢？
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk