【本報訊】坐擁鷹君系600億上市王國的羅氏家族，自創辦人之一羅鷹石2006年去世後，集團一直由三子羅嘉瑞主持大局，外間之視為鷹君靈魂人物。而孻仔羅啟瑞昨談及父母親時，就主動稱自己有份參與鷹君重要項目中環花園道3號入標。
啟瑞稱曾參與重要項目入標
羅啟瑞在旗下新福港股東會後表示，父母六、七十年前已於港打拼，父親非常勤奮，「我哋每日早上4點半一定同佢喺公司開會，佢聽唔到我哋向佢匯報就唔舒服」，又指鷹君集團主要項目「好似花園道3號、朗豪坊絕對係佢（羅鷹石）治理期間拍板嘅」，又指「以花園道為例，記得當日係六四之後，人心惶惶，佢翻來覆去，終於話27億元拍板去馬。係由我填寫嗰份標書，個銀碼大到我幾乎唔識寫」。
羅嘉瑞曾稱1983年鷹君陷入嚴重財政危機，自己臨危受命棄醫從商挽救公司，被視為鷹君領軍人物。相反在1984年加入鷹君的羅啟瑞，曾在父親辭世不足一個月，大手沽售鷹君股份，近年雖擔任鷹君副董事總經理及執董，角色未如羅嘉瑞獲關注。
目前羅啟瑞持有市值近12億元的新福港（1447）約75%股權，但較羅嘉瑞控制的鷹君系旗下3間上市公司總市值近620億元，相距甚遠。
■記者方楚茵
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk