全國人大委員會張德江早前到訪澳門，當地政府嚴陣以待「洗太平地」，香港多名民主派、社運人士被拒入境，有啲人更加入咗境都被遣返。其中一個遭殃嘅係民主黨大埔區議員區鎮樺，佢月初帶同100名街坊前往澳門一天遊，但去到關口先被當地入境部門扣查，之後以「對內部保安的穩定構成威脅」將佢遣返。
但區鎮樺見過鬼都唔怕黑，噚日再去「闖關」，同樣都係帶100名街坊去澳門一日遊，今次就順利入境。佢話，入境系統依然有發出提示「提醒」入境職員㗎，相信今次成功入境，證明澳門入境黑名單依然存在，只不過唔係有大官到訪或者敏感時刻，先畀佢哋入境咋。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk