林師傑同女友歐陽巧瑩（Tammy）日前夜晚12點幾喺西貢覓食，不過 Tammy自嘲冇化妝，令林師傑又俾讀者誤會約會第二個女仔，仲話100％信晒男友。其實讀者誤會，係有歷史原因嘅，因為林師傑同 Tammy拍拖之前，同過好多女仔屢傳緋聞㗎。
最先有傳林師傑喺09年力追同屆「巨聲幫」何雁詩，第二年兩人就喺圓方行街斷正。到12年佢同鄧穎芝撻着，但拍咗拖兩年，林師傑偷食o靚模Gwen，仲俾鄧穎芝當場發現兩人車震。
唔只咁，林師傑又試過被指喺大台化妝間同王君馨打情罵俏、同湯洛雯二人世界撐枱腳再開工拍劇、甚至試過被影到同Super Girls成員吳嘉熙行街，主動搭膊，表現熱情。直至林師傑同Tammy拍拖，呢啲緋聞先絕跡咋。