法甲周六煞科，周中被摩納哥粉碎衞冕希望嘅巴黎聖日耳門（中），最後一場主場踢到冇乜心機，對住護級區嘅卡昂，補時階段遭對方前鋒洛迪連射入，逼和1:1。對PSG嚟講，勝負無關痛癢，但卡昂拎到呢寶貴一分後，就升上第17位，搞到另一邊廂亦和咗波爾多1:1嘅羅連安特空歡喜一場，要踢升降班附加賽爭取護級最後機會。