立法會直選票王、新界西嘅朱凱廸首個地區辦事處噚日喺葵芳開張，名為「不是地辦」，佢解釋話，想呢個地方可以拉闊市民對政治人物以及地區政治嘅固有想法。
「不是地辦」位於葵芳高芳街高芳樓，隔籬就係有不死商場之稱嘅葵涌廣場，面積約600呎左右。阿廸開辦事處，唔只齋接街坊個案，佢希望為「深耕細作」重新定位，吸引年輕人留喺社區，發展組織同參選等。
「不是地辦」標榜社區自由空間，所以佢哋舉行嘅活動會由居民填充決定，嚟緊仲打算搞社區新聞工作坊、天台太陽能發電、墟市、社區放映、深耕細作參政培訓班等等。
97年主權移交至今，香港前進還是倒退？「蘋果」與你細數廿載風雨。
【回歸二十年】專頁： http://hksar20.appledaily.com.hk