阿根廷上周六公佈國家隊大軍名單，備戰六月對巴西同新加坡嘅友賽，美斯、希古恩、迪馬利亞等主力入選，都冇乜意外，最意外係國際米蘭前鋒莫路伊卡迪入圍，皆因之前佢硬撬同胞麥斯盧比斯老婆Wanda Nara，美斯開到口國家隊有佢就冇我，所以搞到伊卡迪只係代表國家隊一次咁大把，今次能夠入圍，真係要好好向美斯證明自己嘞。