華人騎師這天（21日）原本只有第三場由巫顯東同梁家俊串到Q，整體表現唔算突出。不過，跑到第七場泥地三班1200米短途，就見到潘明輝、何澤堯、蔣嘉琦攜手炮製出全日首條華將三重彩。
當中外號火車的23歲見習騎師潘明輝，停賽期滿這天復出，第七場夥拍容天鵬馬房「仁愛之星」後上一攻而破，單Win及組合獨贏A1分別派43.5及23.5元。潘明輝暫時在港出賽五個賽日，均有馬贏未斷纜，
五歲馬「仁愛之星」早排曾由潘頓連輸四場熱門，最叻跑第二，近兩仗換上杜利萊則獲一冠一亞，包括前次贏同班同程開齋。今場易配潘明輝減十磅，早段緩慢居後，以為輸了八九成，豈料末段一支箭咁外叠長驅直進贏1.5馬位，姿態十分輕鬆。
由何澤堯策騎的「巴基之星」同主馬「巴基小子」，呢場起步大脫腳，讓對手半條街，直路尾卻從大外欄如飛殺上，跑法似足初期之「巴基之星」，但後勁卻冇「巴基之星」咁強，「巴基小子」只能追入第二。
至於蔣嘉琦座騎「老友記」閘前落飛變大熱，沿途前置，直路有啲片出片入，最後頂唔住頭二馬衝刺，屈居季軍。第四名由雷神新座騎出閘亦慢咗的「新威龍」後上拎到，四重彩派一萬蚊鬆啲。