張繼聰老婆謝安琪喺3月生咗細女張靖(Karina)，同囝囝張瞻湊成「好」字，話晒係前世情人，張繼聰早排就形容自己對住囡囡嘅時候，十足「痴漢」咁，除咗成日傻痴痴望實囡囡，仲會自彈自唱o氹囡囡入睡。老竇錫阿女，哥哥張瞻都唔執輸。張繼聰前晚就貼咗幾張兩兄妹嘅相上Fb，做咗大哥哥嘅張瞻，喺相中笑咪咪望實妹妹，又小心翼翼攬實佢，最後仲忍唔住同妹妹錫錫，睇見個心都融化咗囉！