夏令營唔一定只係鍛煉自我、提升潛能，亦可以帶大家探索感官世界。西九將於今年8月舉辦「M+夏令營」，透過與視覺藝術、設計、建築、插畫及流動影像等創作人合作，等參加者可以透過實驗同遊玩探討不同創作模式。原來今年夏令營以「神經」作主題，目的為打開青年人感官，突破慣有感知，重拾被遺忘嘅敏銳觸覺，兼引發大家嘅好奇心，鼓勵參與者勇於積極思考發問，敢於與別不同。
夏令營設室內同戶外進行嘅工作坊、講座、分享同表演等小組及集體活動，歡迎中四至中六學生參與，參加者可以自行挑選啱自己嘅工作坊，設計屬於自己嘅夏令營。參與嘅導師包括本地藝術家陳百堅、曾於知專設計學院任講師嘅朱里奧，同埋本地設計師及藝術家伍啟豪等。詳情可參閱： http://www.westkowloon.hk/en/mplussummercamp 。