自拍神棍！好似今年已經Out出了潮物範疇，最近見旺角街邊檔以$10、$20賤賣，行過的人都係照樣行過、乏人問津！不過日本哪邊箱，對此潮物仍樂此不疲，最近還有新產品推出。
這款是手提風扇自拍神棍！佢同時將香港腦場長賣長有、屢屢下試最底價的兩件產品，同時Crossover到用家手上；無錯！外影太熱時，佢當然可以為你取涼，不過佢最大設計概念，係自拍時幫你吹起一把長長的秀髮，令你影相時更飄逸。而且價錢亦不算高，只需要1,580日圓（折算約港幣$111）。
老實講！呢個Crossover概念真係幾新，而且還要比今年共田新出的芭蕉扇，設計概念還要明確得多！不過話又分兩頭，這件產品會好賣嗎？如果入貨到香港，一定冇運行！
須知芭蕉扇可說是現時性價比最高的手提風扇，風力表現說不上「宇宙最強」！不過離「地上最強」都不遠吧！如果你要我百幾銀買支手提風扇自拍神棍，我真係寧願幾十蚊買支熱溶膠槍，將去年的暴風版芭蕉扇，同床下底收埋咗成年的自拍神棍黏埋一齊。
估計大家近年買下的電子垃圾也不少吧？如果幫它們找到一個好的出路，都是為環保出一分力。
記者：朱崇德
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily