【潮界開眼】德國MYKITA新眼鏡進港　大膽設計分割鏡片注目

【潮界開眼】德國MYKITA新眼鏡進港　大膽設計分割鏡片注目

影片： http://bit.ly/2qWuTeR

近期講起眼鏡，或者唔少港男都想跟張志明配番副Dita，希望戴咗會有佢咁型。講潮味Dita近期當然贏晒，但若論設計和手工，其實唔少品牌都唔輸蝕，好像來自德國的MYKITA，標誌性的無螺絲設計，在創新、耐用和設計上都已冇得輸。如果你實試戴過，相信更容易被它的極輕重量吸引。而近日到港的MYKITA STUDIO系列，更發揮了德國設計的優勢，把大膽、有趣、富未來感的原素放進作品之中。MYKITA STUDIO暫共有5大系列，STUDIO1、2、3、4都屬太陽眼鏡款式，造型或用色都相當大膽，個人比較喜歡的就有STUDIO 2系列，鏡款相對其他幾款大路，亦較易配襯，但卻用上非常特別的斜角線把鏡片分割，令傳統太陽眼鏡的結構產生出具玩味的錯覺觀感，在平凡中卻有不平凡。至於其他幾款設計就更走向誇張，講真唔易carry，但相信也會有不少潮人時裝人捧場。

而除了太陽眼鏡款式外，系列中亦有普通光學眼鏡款的STUDIO 5，以幼線條的極簡設計作主導，纖幼的鏡框以不銹鋼薄片製作，配合圓框設計，隱含了復古味道。而其中兩款更用上Top Bar設計，復古感覺更強，但就唔係人人戴得好睇，屬鼻高小臉的靚人專屬。

MYKITA STUDIO 1 用上橫線點綴裝飾，風格相當強烈。（MYKITA STUDIO 1：各$5,980）

MYKITA STUDIO 4用色鮮豔豐富，並以雙色設計，富夏日氣息，加上鏡框夠大，外型和功能性都絕對適合將到的烈日夏季。（MYKITA STUDIO 4：各$6,760）

STUDIO 5是唯一的光學眼鏡系列，簡約幼線條配圓框，頗有復古味。（MYKITA STUDIO 5：各$5,980）

MYKITA標誌性的無螺絲設計，在創新、耐用和設計上都已冇得輸。

除了STUDIO系列，MYKITA今次亦特別推出MYKITA for PUYI系列，設計和用色都桿相當特別，但當然價錢亦有「特別」，貴。（上：SASHA $10,750；中：BOLDEWYN $8,050；下：SHIA $5,330）

「MYKITA for PUYI - Kaiser」限量收藏套裝，由德國慕尼黑的Benno Marstaller製作珍藏盒，並裝著20副KAISER光學眼鏡，有錢買都未必有位擺。（$108,000 全港限量12套）

查詢：溥儀眼鏡 （九龍尖沙咀廣東道2A號1881第2號屋）

記者：韓繼聰
攝影：張志孟

2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily