仲記唔記得兩年前轟動一時，Bossini創辦人羅定邦孫女羅君兒嘅綁架案？當時唔少人都話羅君兒好堅強；事過境遷，佢不單走出陰霾，仲以正面態度睇呢件事，決定將生死一線嘅可怕經歷結集成書，藉此鼓勵大家活在當下，愛惜生命，喺逆境中都要堅持信念。
據知羅君兒呢次出書，亦搵嚟上次歷劫難後幫手搞記招嘅圓通財經公關公司，即係唐英年御用公關幫手，𠵱家已經積極籌備策劃，希望趕及7月書展時出爐。
讚唐唐公關
羅君兒話圓通服務到位又專業，促使雙方再度合作，近期頻頻會面傾出書細節。
而圓通噚日亦有喜，獲Mediazone出版集團頒發「客戶最值得信賴的度身訂做傳訊服務機構」獎項，圓通董事陳民傑話多謝各界支持，會繼續努力。