影片： http://bit.ly/2pWc4UC
近期Nokia好似比較沉靜，但日前有段網上有段流出影片，又令唔少手機迷再次談論Nokia。據「爆料王」Evan Blass在Twitter上貼文，他指出一位多年跟Nokia及現時HMD合作的攝影師貼出一段約30秒長的Nokia官方宣傳影片，但奇在宣傳影片之上除了已有售的Nokia 3及Nokia 5外，還有兩部配備雙鏡頭設計的新手機一併介紹。但手機迷都知目前Nokia仍未發佈配備雙鏡頭設計的手機，有推測片中兩部不知名的雙鏡頭手機就是傳聞中的旗艦機Nokia 9及Nokia 8。雖然好快原貼已移走影片，但「爆料王」好快就Back Up放上網，等花生友繼續有得睇。HMD一早就表明今年最多會推出7部Nokia手機，Nokia 9及Nokia 8會在今年內登場並唔意外，但作為一位合作多年的攝影師點會咁大意流出官方影片？專登放料令人關注都唔係無可能。
資料來源：VentureBeat
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily