有水嘅地方，一定有田北俊，尤其事件若涉及689呢3個數字，更加吸引。好似呢排嘅梁振英干預立法會調查佢收UGL錢事件咁，CY明目張膽插手當然係問題，但政界中人同時關注，點解豬一樣嘅隊友老是常出現？如果唔係「梁粉」周浩鼎將梁特親筆加料嘅文件直送立法會，風波未必會出現。至於點解鼎鼎咁開放呢，八方就唔知嘞，只知已經成為政界笑柄。
事發當晚，田少亦喺fb發文，指「當我見到周浩鼎疑涉及讓特首辦干預呈上立法會UGL調查委員會文件嘅新聞嘅時候……」，貼咗張疑似將鼎鼎丟入垃圾桶嘅相（圖），同時加上「議員加律師？」、「依（𠵱）家考律師一定易過考BCA」、「醒小小（少少）都做唔到梁粉」、「留我做個垃圾長留戀於你家」嘅hashtag，係咪嘲諷鼎鼎？大家心照！