香港人鍾意睇旅遊節目，尤其介紹日韓嘅「乜乜攻略」、「物物攻略」，但其實過去年6，多達320個電視節目及電影來港取景，當中日韓居多，佢哋都對我哋好有興趣㗎。此外，仲有唔少大片，包括早前大熱嘅早排電影《攻殼機動隊》。
旅遊業促進會總幹事崔定邦日前話政府應該協助外國電視電影嚟拍攝做宣傳，但問旅發局攞2012年至今嘅數據，似乎香港喺外國電視電影都已經「老是常出現喎」。
《攻殼機動隊》原著漫畫有唔少香港元素，舊年拍電影版成隊crew去咗油麻地豬肉檔、大坑勵德邨拍攝；另一套《變形金剛4之殲滅世紀》就借到政府總部開放拍攝，真正體驗吓「門常開」係咩滋味。
不過，荷李活團隊唔易服待㗎，當年《變形金剛》拍攝團隊臨急臨忙先通知協助嘅旅發局，會有100架卡車要泊喺中環，結果連旅發局職員都落現場幫手搵泊位。
仲有08年《蝙蝠俠——黑夜之神》借IFC拍蝙蝠俠飛落樓嗰幕，旅發局話原來申請呢類高樓大廈拍攝先高難度，一來大部分都係私人地方，二來涉及保險問題，所以一邊要同建築物嗰邊溝通，另一邊都要諗定Plan B等攝製隊考慮。但最天馬行空原來係綜藝節目，試過有電視台想喺中環碼頭對開划浴缸，甚至封大澳村一星期拍嘢，咁高難度最後梗係拍唔成啦。
除咗電影，日本NHK、韓國真人騷、台灣旅遊節目，仲有德國、甚至中東阿拉伯聯合酋長國呢啲你估唔到嘅冷門國家都嚟過拍攝，舊年日韓台旅客仲係五大香港旅客源嘅其中三大，睇嚟宣傳效果都唔錯。
部分曾取景香港節目
荷里活電影：
- 《攻殼機動隊》
- 《變形金剛4之殲滅世紀》
- 《蝙蝠俠——黑夜之神》
電視劇：
- 台劇《你照亮我星球》
- 韓劇《誘惑》
- 泰劇《Wingless Angel》
綜藝節目：
- 日本NTV旅遊節目《Sekai No Hatemade ItteQ!》
- 阿聯酋AI Arabiya旅遊節目《Travel Show》
- 韓國SBS真人騷《RunningMan》
- 德國VOX真人騷《Kitchen Impossible》
資料來源：旅發局