數碼產品日新月異，有時睇返幾年前的「最新數碼產品」都有仿如隔世的感覺。近日就有傳將會在6月初WWDC公佈的新10.5吋iPad Pro會採用極窄邊框設計，但大家又記唔記得第一代iPad係採用極粗邊框設計？第一代iPad正式發表時間係 2010年4月，近日就有爆料專家Sonny Dickson貼出幾張據稱是第一代iPad的原型機，照推斷是2010年1月左右生產的工程樣本。這部第一代iPad原型機用上極粗邊框非常易認，另機面及機背多個位置都貼上及刻上開發團隊編號，亦有可見到Wi-Fi天線的開口位置，而機背亦貼上標籤及在Apple標誌四周留低怪異的痕跡。而且這部原型機至今還能正常開機，但所用的操作系統並非iOS，而係Apple內部的SwitchBoard韌體。至於點解這部工程機會曝光？爆料專家只係話物主早幾年在三藩市灣區發現這部被收藏在厚重金屬外殼的原型機，到底點解到現時先流出就不得而知。
資料來源：9to5Mac
文：布偉倫
2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily
