今個香港馬季，原本一直發展理想的毛里裘斯籍騎師田泰安，近期遭受挫折，翻查紀錄，原來安仔自從4月23日憑「好腳頭」贏馬以來，已經連續六期賽事沒有頭馬進賬。
安仔亦直言正心急贏馬，希望可以盡快打破悶局。而他上周末（13日）沙田賽後，更與法籍女友兼騎馬人Xaviere，趁翌日假期前往澳門散散心，同女友在一間五星級酒店住了一晚，安仔笑言自己已叉足電，精神奕奕，出外走了一轉行個大運後，冀能扭轉頹勢。
事實上，安仔本周三（17日）快活谷夜賽，的確大有機會轉運，事關他的座騎多且惡，好像第八場三班1200米，夥拍「愛樂寶」上陣，三歲馬新勝猶勇，潘頓造唔到磅先換安仔，下次隨時潘頓騎番，所以今仗安仔一定唔同你客氣跑盡爭勝。
安仔還有第七場二班1200米的「越影」，此駒10戰谷草同程1200米得4冠3亞1季1殿，前仗泥地非擅長，亦能跑第二只不敵惡馬「翩翩」，足以反映「越影」近態甚佳，今仗回師強項路程，當然是牌面馬。