明晚（17日）係雷神莫雷拉復出之戰，所以今朝早（16日）個鏡頭點可以唔捕捉呢位勝出率達26%的冠軍級騎師之備戰程序呢？
而今朝早，雷神替呂健威馬房操完周日（21日）出戰報名馬「真好彩」後，一對騎練喺機坪傾咗一段時，其間威哥更手持快勞，同雷神邊傾邊睇，相信話題除咗「真好彩」之外，亦都係同明晚出戰之第五場三班1200米「肥仔」有關，騎練最後仲邊傾邊走，值得重視。
上次「肥仔」喺騎師李寶利胯下出戰谷草1200米排11檔，焗住留後，但係後追甚勁，拼得一席第三名，而今季唯一一場勝仗就係由雷神操刀，佢賽前仲摸過呢匹馬三課快跳，準備十足。雖然今仗排8檔，但以雷神功力應該唔成問題，睇個勢除時食得！