中原、美聯（1200）鬥VR！今時今日，乜都要VR（虛擬實境），睇樓盤都唔例外。中原更加行先幾步，今年1月已經推出「3D全方位VR實景睇」，畀客戶隨時隨地睇二手樓盤，最近佢哋想做埋VR睇一手樓盤。啟德新盤天寰有機會係第一個新盤用到VR睇樓，咁大家到時就唔使排兩三粒鐘，等睇示範單位嘞。
喺中原負責發展VR技術嘅，就係老闆施永青個仔施俊嶸，佢目前title係中原數據科技董事，呢個部門舊年底以2,000萬元成立，專門研發VR睇樓。
美聯喺呢方面唔算十分積極，但都追緊上嚟。佢哋有為唔少二手樓盤拍攝360度相片，最新推埋「360度VR睇樓」技術，客戶透過智能手機走入美聯「網上揾樓」樓盤，有360度標記推介樓盤，就可以用VR眼鏡睇盤，唔知佢哋有冇計劃做埋一手盤呢?