大家都知跑快活谷賽事，檔位好重要，總有啲騎練特別好運，連場抽好檔，相反有時衰起上嚟，旗下戰馬好似「book定」咗個12檔亦不時發生。
好似練馬師霍利時，本周三(17日)谷草賽事，馬房共有六駒列陣，豈料第一場「喜菜」、第四場「得其康」、第八場「驍武」都排最衰之12檔起步；第二場「頌義」11檔一樣咁差；第五場「育馬妙星」7檔亦不算好。最佳嘅只係第七場「有心人」5檔而已。
其中「得其康」由沙田回師前仗只輸短頭位得季軍的谷草1650米，三歲馬潛力仍未盡露，居四班應甚超卓，本來今仗機會十分突出，但如今抽12檔，難免打折扣，今勻真係要一考鞍上人郭能的走位了。