歌仔都有得唱：「世上只有媽媽好」！今日（14日）星期日就係一年一度嘅母親節，相信各位馬迷都係孝順仔女，已經喺呢個充滿母愛嘅日子計劃好晒，點樣同生自己出嚟嘅母親好好慶祝一番。
一個家庭和諧與否，婆媳關係乃關鍵之一。「先生」系馬主史立德嘅太太史顏景蓮就示範甚麼叫良好的婆媳關係，趁剛周六（13日）沙田馬場跑馬，佢就當場向史老太太送上鮮花，預祝奶奶母親節快樂。而當史老太太收花之後，亦笑到四萬咁嘅口，睇嚟佢對呢位媳婦送上嘅禮物相當滿意。
史太史顏景蓮說：「今年母親節，我和先生帶同奶奶（史立德的母親）一起入馬場，感受賽馬的氣氛。我的母親節願望是一家人平平安安，並祝願天下所有母親健康快樂。」
大馬主蕭百君幼子、「澳斯卡」馬主蕭劍新亦表示已準備好母親節節目，他說：「星期日是母親節，我們一家人準備了許多節目與母親一起度過。我們和母親早上一起飲茶，中午會與大哥（蕭劍平）的一對年幼子女看卡通片，三代同堂同度母親節。我祝願媽媽身體健康，每一天都開心快樂。」