想360度睇張家豪點樣踩板？咁就要click入嚟睇吓喇： http://bit.ly/2pIwiBh
大家喺滑板場最常見到嘅嘢乜？鐵柱位置叫handrail，中文係扶手，紅色有鐵邊的就是叫ramp，仲有就係bowl，中文叫碗瓷。17歲滑板運動員張家豪話呢個位可以唔只做2至3個花式。
講起滑板，除咗花式，大家可能仲會諗起另外兩個字「反叛」。豪仔話：「以前警察一定會截查板仔，一定會截查。我咩都冇做，攞住滑板去練習，跟住喺街度行，嗰陣好細個，讀中一，警察走過嚟截查。」但係咁都阻止唔到17歲嘅佢繼續追夢，由小6開始踩板到而家，玩咗6年。16年仲去咗南京，出戰有成50幾60人參加嘅全國賽，仲贏埋冠軍。
之不過一講到想轉做職業，屋企人就唔係咁鍾意。豪仔話：「初時有同屋人嗌交。我會同佢哋講我嘅目標，好明確咁說，我會繼續贏多啲比賽。去到外國，再喺嗰度贏比賽，然後在嗰邊生活1、2年。」豪仔仲有另一個目標，就係參戰2020年東京奧運。
一個禮拜最少練習5日嘅佢仲話，雖然香港踩板文化冇美國咁盛行，但都有10幾個板場，算係充足。佢仲參加咗「運動燃希望基金」，呢個計劃每個月會有資助，幫豪仔繼續去追尋夢想。
受訪者：張家豪(17歲)/滑板運動員
場地：將軍澳單車公園滑板場
想睇更多蘋果360VR片？Apple用家可以前往App Store下載《蘋果VR》： http://apple.co/2oMRqt0
至於android用家亦可在Google Play Store下載： http://bit.ly/2oR9G1u