周日喺日本神戶舉行嘅女排世冠盃，土耳其勁旅華基夫銀行喺決賽憑中國主攻手朱婷轟下19分，加上另一主攻手希爾、副攻手娜錫同接應手施洛積絲都有雙位得分，終以直落三盤25:19、25:21、25:21贏巴西球隊舒耐，自2013年後再次喺呢項賽事封后，亦係球隊今季第二冠！至於瑞士嘅蘇黎世就喺季軍戰以3:2險勝另一土耳其球隊伊薩斯巴斯。