【中環】今年51歲的郭富城上月中於半島酒店迎娶29歲的上海網模方媛（Moka），現懷孕4個多月的Moka一直於上海安胎，而城城則忙於與周潤發拍攝麥兆輝和莊文強新片《無雙》。昨日母親節，出名孝順的城城趁不用開工，便與Moka返港陪媽媽慶祝母親節。
為郭母下廚
昨午約5時，本報記者見到城城與Moka手拖手現身中環置地名店Tod's，原來城城是為了買禮物給媽媽：「今日帶老婆落嚟揀母親節禮物。」他在店內選禮物時，亦有照顧懷孕的Moka，見Moka腹部微微隆起，孕味極濃。最後二人買了3大袋戰利品，之後又轉去另一間名店繼續購物。至於日前Moka下廚煮飯被讚慳家，城城多謝網民讚賞，還為Moka解釋：「佢學緊廣東話。」問到是否有好消息公佈？城城卻說：「未講得住。」再問晚上是否Moka煮飯？城城開心答：「係呀，返屋企食飯喇。」原來Moka為奶奶下廚慶祝母親節！
今次Moka陀女，雖然她和城城都希望生囝囝，但第一胎未能如願，相信二人很快會再追多一個。首次做爸爸的城城相當緊張，他已安排好養和醫院頭等房給Moka在9月分娩時入住，至於陪月員亦安排好，由於城城擔心Moka沒有照顧小孩子的經驗，囡囡出世後，會再請多一名保母協助Moka湊女。
老友教湊B
城城之後兩、三個月的檔期非常滿，工作接工作，所以本月底他外出拍戲時，都安排Moka返回上海娘家安胎，雖然他對Moka懷孕一事十分低調，但其身邊的朋友都知情，紛紛傳授他湊女經，而為免Moka將來在港生活苦悶，城城也盡量把身邊朋友介紹她認識，希望老婆盡快適應在港生活。
採訪、攝影：畢紹基
