梁特首說 「只有子女口中不是的父母，沒有父母口中不是的子女」，俗語云無仇不成母子／女，昨日母親節，《蘋果》斗膽讓子女「數落阿媽」，部分直指媽媽硬頸、無理取鬧、長氣，更會炮製「苦瓜炒棉花糖」暗黑料理。不過，當問到若媽媽突然不見了又或忘了自己，子女們都乖乖收口，坦言「頭家會散囉」、「諗吓都覺得唔開心」。
記者 伍雅謙 袁楚雙
「明明佢自己唔啱，都話我唔啱經常」，要大學生劉先生談談母親缺點，他如數家珍，指她硬頸及無理取鬧，「佢會話『xx仔，唔x瞓覺？依家幾點呀？邊有精神溫書呀？你係度做乜嘢呀，又係度打機啦！』，我就會反駁，『我頂你啦，溫書溫得咁辛苦，溫書話我打機！』」。其實兩母子感情要好，只是喜歡互「串」。
雖然不少媽媽是煮食高手，不過並非人人如此。雷先生就指，母親只有一個缺點，就是不時製作出暗黑料理，富有創新精神，「例如非常普通嘅蕃茄雞蛋湯，但個蕃茄同雞蛋，都係冇切過，原個丟落水到，雞蛋連殼丟落去」。他指印象最深刻的菜色是苦瓜炒棉花糖，將苦瓜及棉花糖用油爆炒，再加鹽調味，「棉花糖嘅糖同加入嘅鹽份，係絕對有衝突嘅．．．享受到不單止有苦瓜清爽感、焦糖嘅脆感同棉花糖嘅鼻涕感」。他笑稱每周會有3至4天在家吃飯，為了維持生命「我會自己落手煮嘢食」。
陳小姐的媽媽同樣是料理「高手」，「幸好」母親已放棄煮食，「有一次早餐叮咗隻蛋畀我囉，將未剝殼雞蛋擺落微波爐到叮，佢一開門隻蛋喺佢塊臉度爆咗，經過嗰次佢就冇再煮飯啦」。她又笑言母親的缺點是外表過於後生，「似我家姐，好似我好老咁」。去花墟選花給媽媽的Yuki就指，媽媽有時「好囉唆、煩、長氣，成日都叫我早啲返屋企囉！」
他們和其他受訪子女都數落得眉飛色舞，但當問到如果有一天回家，媽媽不見了，又或者媽媽什麼都忘記了包括自己，子女們都說改口說媽媽好。
就算是喜歡與媽媽鬥嘴的劉先生，也力讚她優點遠勝於缺點，兩母子沒有隔夜仇，「無論點樣嬲你，第日都冇咗件事」。他更指母親是家中的調解員，「屋企靠阿媽支撐住，我同阿爸冇兩句，靠阿媽周不時撩我兩個傾計，阿媽會主動問我今日點，三個人食飯有個咁嘅人喺度，唔會尷尬好似搭枱咁」。
Yuki也認為媽媽也只是出於關心，自己絕對會容忍媽媽的長氣，她又打算親手砌花送給媽媽，以表誠意。就算陳小姐媽媽是暗黑料理能手，又「後生過佢」，但若有一天媽媽不在，陳小姐直指會失去指路明燈，「唔好諗呢個問題住得唔得，咁諗已經有少少唔開心添」。
這麼多位孝順兒女，誰最懂得逗母親開心？應該是葉先生，因無論記者如何「旁敲側擊」，他都意思堅定：「我阿媽冇乜缺點喎，我阿媽好好㗎喎」。