【本報訊】ICE cha cha不獲續租，不過連日傳媒報道，已喚起社會關注。80後店主Calvin表示，已獲荃灣、長沙灣、九龍灣、觀塘等多個商場邀請開店，會慎重考慮，最重要是即使繼續經營，「都係要賣5蚊兩個大大球雪糕」。
客人排3小時支持
ICE cha cha雪糕店遭西九龍商場逼遷，今日結業消息傳來，連日來不少街坊及區外客人前來光顧，令人龍時刻維持逾百人在檔口等候。來自東區的蕭小姐說，專誠前來光顧，輪候3小時也值得，「第一次嚟食，聽到間店被逼遷，好可惜，所以嚟支持佢哋」。何太則帶同女兒來光顧，「都排咗兩個幾鐘，嚟支持佢」。
記者現場所見，車仔檔原本晚上9時關門，惟人流絡繹不絕，店主Calvin多次截龍不果，最終要經營至晚上11時，人流才散去。
Calvin說，鑑於今日母親節結業，已額外增加貨量滿足需求，「過往嘅周日一般都可以提早收檔，今日應該唔得」。但因為今晚9時需將場地交回商場，不能再延長，「9點一定要收，唔可以好似呢幾日咁，做到11時」。他說，為了補償向隅的客人，會向他們免費派發300份包括雪糕糯米糍及棉花糖等禮物。
問及日後會否另覓場地經營，Calvin表示，經傳媒報道ICE cha cha被商場逼遷消息後，他已接獲荃灣、長沙灣、九龍灣、觀塘等多個商場邀請開店，但仍未有時間詳閱有關資料，「𠵱幾日好多客好忙，收工都成半夜12點，真係冇時間睇。搞埋母親節之後，會睇清楚啲資料。但無論係點，新店都係要賣5蚊兩個大大球雪糕」。
■記者蔡朗清